Програми за лидерство и комуникација

Развојна програма за лидерство

Програмата е базирана на Healthcare Leadership Model на NHS Leadership Academy во Обединетото Кралство, која го структурира лидерското однесување во девет меѓусебно поврзани области. Рамката се користи како основа за разбирање и развој на лидерските однесувања, додека содржината, практичните вежби и активностите на програмата се адаптирани за различни професионални и организациски контексти.

За кого е наменета

Што ќе добиете

„Подобри резултати, подобра соработка и поголема вредност за луѓето со кои работите и за организацијата.“

• да го препознаете сопствениот лидерски стил и развојни потреби
• да создадете заедничка цел и јасна насока за тимот
• да водите со поголема доверба, емпатија и професионална одговорност
• да донесувате одлуки врз основа на релевантни информации и факти
• да ја разбирате вашата улога и придонес во поширокиот здравствен систем
• да ја комуницирате визијата на начин што ги мотивира и вклучува луѓето
• да создадете поангажиран и посамостоен тим
• да поставувате јасни очекувања и да поттикнувате одговорност за резултатите
• да го препознавате и развивате потенцијалот на вашите колеги
• да влијаете, иницирате промени и ги претворате идеите во конкретни резултати

Придобивки

• Индивидуален пристап и систематски развој на лидерски компетенции во 9 области
• Индивидуален лидерски извештај за секој учесник по извршена самопроценка
• Персонализиран акциски план за развој на лидерството
• Следење на индивидуалниот напредок во деветте лидерски области низ 4 прогресивни нивоа

Секоја од деветте лидерски области содржи четири прогресивни нивоа на лидерско однесување. Тие овозможуваат да препознаете:

Целта е свесно да го препознаете своето следно ниво на развој и да направите конкретен чекор кон него.

Работата се реализира во мали групи од 10–15 учесници со цел да се обезбеди интерактивност, индивидуален пристап и квалитетна дискусија. Локацијата и терминот на одржување се договараат со пријавените учесници.

Развојна програма за нови лидери

Прв пат сте на чело на тим? Тој момент носи возбуда, но и многу прашања без готови одговори — како да делегирате без чувство на вина, како да дадете фидбек кој навистина помага, како да го приспособите вашиот стил кон секој различен член на тимот.

Оваа програма е дизајнирана специјално за лидери во рана фаза од кариерата, прво и средно ниво на менаџмент — луѓе кои сакаат практични алатки, а не теорија што ќе ја заборават на излез од салата.

Што добивате

• Ситуациско лидерство — способност да го приспособите вашиот пристап кон секој член на тимот, наместо еден стил за сите
• Вештина да давате повратна информација (feedback) која гради, а не демотивира
• Coaching вештини кои ги користите секојдневно во разговори со тимот
• Сигурност и ефективност во делегирањето — без чувство дека губите контрола
• Индивидуален лидерски извештај и личен акциски план, изработени според вашата реална ситуација

Модулите од оваа програма можат да се комбинираат со модулите од Развојната програма за лидерство и Комуникација со клиенти и асертивна комуникација, согласно потребите на секој клиент.

Ефективна и асертивна комуникација

Јасно. Асертивно. Со влијание.

Колку пати сте посакале да кажете „не“, а сте кажале „да“? Колку пати вашата добра намера завршила во недоразбирање со колега или клиент? Комуникацијата е вештина која секој ден ја користиме, а ретко некој нè научил вистински како да ја употребиме.

Оваа програма носи практични комуникациски вештини кои веднаш се применуваат во работата — во разговор со колеги, со клиенти и во секојдневните ситуации кои бараат јасност, а не конфликт.

Што добивате

• Асертивност во секојдневни ситуации — како да кажете „не“ без вина и да поставите граници без конфликт
• Јасна порака и препознавање невербални сигнали, за помалку недоразбирања во тимот и со клиенти
• Активно слушање и вештина за давање и примање фидбек, преку feedforward пристап
• Разбирање на сопствените емоции и препознавање емоции кај другите, за посигурни реакции под притисок
• Алатки за поуспешна соработка меѓу генерации во тимот
• Симулации базирани на реални работни предизвици и индивидуален акциски план за примена веднаш по работилницата

Резултат: помалку тензија, повеќе разбирање — и колеги и клиенти кои чувствуваат дека навистина сте ги сослушале.

Модулите од оваа програма можат да се комбинираат со модулите од Развојната програма за лидерство и Развојната програма за нови лидери, согласно потребите на секој клиент.